麵佬到 (已結業)

終於都可以賣甩「癡身的阿姐」，約埋fd底同事出去食，佢成日都話好想試呢間馬來麵檔，但因為地方細，坐得唔舒服，阿姐又會黑面兼比說話我地聽，所以一直都唔敢去食。呢間麵檔地點真係好隱蔽，我地不斷係附近兜左幾個圈都搵唔到，正當想放棄搵其他野食，見到窄巷有人行過，大膽的同事話不如係果條巷行入去睇下，果然真係要穿過窄巷先搵到！入到去餐廳細細，好多都係自閉位，大伙兒就唔係甘適合。食物種類唔算多，set lunch都係得4款揀，隊長怕辣，所以揀左個炒粿條，嗜辣既同事就揀左個泰式撈粉。其實炒粿條係炒河粉/貴刁至真，不過都係用黑豉油去炒，都炒得幾香，麵條無話少到一舊舊甘，只係覺得唔係好夠料，同埋差D蛋絲；至於同事個泰式撈粉，其實即係魚旦、肉碎撈麵，我食左一啖都OK，我接受到既辣，同事就話唔夠辣。其實味道都唔錯，不過$88食碗麵就有點貴，我初時都想試下個椰子千層蛋糕，不過要加$20，成舊水食個lunch好似貴左D。