北海道牧場 (已結業)

星期日個天氣好一般，於是決定室內活動，就係去沙田睇戲。睇完戲，喺沙田市中心搵食，但真係太多人，於是決定去附近嘅商場睇下會唔會少啲人。原本打算去食翠華，不過經過見到北海道牧場餐廳，又好耐冇食，於是決定去呢間。間餐廳好隱蔽，冇乜人去，但裝修幾好，環境夠光猛，我哋兩個仲要好好彩有卡位坐。呢間北海道牧場，唔需要自己出去叫嘢食，侍應會過嚟幫你落單，但價錢同出邊係一樣嘅。叫咗個常餐，改窩夫，炒蛋一如既往嘅好味又滑又香，不過窩夫就爭小小，佢應該唔係即整，因為唔夠熱，不過d sauce 就好大方比好多男朋友叫咗個番茄通粉，番茄湯都ok, 不過牛肉就麻麻啦. 飲品佢叫咗紅豆冰，個侍應好細心，問使唔使少冰美中不足係紅豆煮得唔夠沙，不過以連鎖集團來講已經好好。