林氏廚房 (已結業)

荔枝角D2耐唔耐都會去，但原來隔多一個街口嘅一楝工業大廈內有一間隱世私房菜，地方好大，有兩張可以坐十二人嘅枱，有好多雙座位嘅枱，甚至有表演台有live band表演。食物方面，可以事先訂定，如果walk-in的話他們都有set menu。今次小編walk-in就叫咗嗰二人套餐，套餐有七道菜，價錢都係$488，好抵食。◇ 是日餐湯 - 粟米南瓜湯南瓜味夠甜，粟米粒有咬口，湯唔稀偏杰◇ 前菜 - 蝦肉煙三文魚沙律配油醋汁三文魚少許煙燻，但鮮味十足，蝦肉碎令沙律更鮮甜，酸酸甜甜油醋汁令人開胃◇ 前菜 - 炸茶樹菇、炸雞軟骨、餃子炸茶樹菇煙煙韌韌，唔覺油膩；炸雞軟骨爽口，不過少啲炸粉會更好；餃子餡料係豬肉，餃子皮唔厚，兩件份量剛好◇ 主菜 - 鵝肝拼紐西蘭牛栁牛柳厚切，7成熟切開呈鮮紅色，肉質嫩滑多汁，牛味好出，兩件份量好足，配搭鵝肝比較少見，但絕對係驚喜，因為件鵝肝質素高，係主角之一◇ 主菜 - 帶子黑松露意大利飯帶子爽口鮮甜，表面微焦香口，同黑松露係絕配，意大利飯質地軟綿，醬汁creamy，味道偏清淡但入味◇ 甜品 - 朱古力布郎尼細細一件朱古力布郎尼，唔會因為單一味道感覺甜膩，甜度適中，