深味餃子 (已搬遷) 新店位置

雖然地理位置距離荃灣地鐵站/荃灣西西鐵站都有段距離，但係專登搵呢間店係完全值得！芫荽豬肉湯餃湯底來講，冇味精好清甜，都算唔錯。肉質比一般餃子店要實，食得出每一隻都好足料。而且芫荽味都好出，絕對推介芫荽控要試。雲耳椰菜餃同樣都係好足料，味道不錯，但唔算好有驚喜。韭菜豬肉煎餃煎餃個皮比其他餃子店要薄，食落去唔算好油膩。而且有滿滿嘅韭菜，個皮同餡料嘅比例做得好好，所以非常推介煎餃。整體來講，價錢唔平，但係餃子都真係好足料，所以都值得一試。