掌壽司 (已結業)

今日返工，約左朋友係觀塘附近食飯。朋友突然話近排發現左一間工場區裡面嘅高質日本餐廳，就今日帶我黎試下🤤入到餐廳，餐廳裝修都偏向簡約日本風格，環境唔錯。首先我地叫左一個燒蟶子。蟶子燒到啱啱好，唔會燒到好乾，好鮮甜。刺身方面，我地叫左油甘魚刺身同埋帶子刺身。帶子食落好鮮味，啖啖肉，好肥美😋😋 油甘魚刺身就油脂同魚香都好豐富👍🏻最後我地叫左一個黑毛和牛壽喜燒。和牛嘅脂肪比例分部好平均，食落去好香牛肉味，有入口即溶嘅感覺。最正係壽喜燒有好多蔬菜，所以唔會食到覺得好油膩。