豬手工房

營業中

休息中

一間隱藏工廈中ge餐廳，已幫襯過幾次，過去一直口停車場入口行去搭貨電梯到二樓，經過維修車房去到餐廳門口，今次店員指示，原來有另一出入口距離停車場出入口幾米，有客電梯到二樓，經過窄窄走廊都可以入到餐廳。今次再黎都係叫招牌脆爆鹹豬手另外再叫左個金沙軟殼蟹薄餅。金沙軟殼蟹薄餅滿滿ge醬喺面，差啲超出餅邊，一拎起薄餅，芝士拉極唔斷。薄餅軟身唔會好乾，有大量ge鹹蛋隱藏醬料中，邪惡得黎好好味。薄餅面有辣味粉，初初食覺得幾香口，但食多幾啖，條脷開始只食到辣粉味道，遮蓋左其他食材味道。招牌脆爆鹹豬手(2磅半)大大份，豬手肉質軟，個皮有部份脆，可惜有部份硬身，唔易咬。兩個人食，食淨2件薄餅，兩件豬手剛好有自備食物盒帶走。