莊主石磨腸粉·粥店 (已結業)

家下興皺皮腸粉，難得附近開咗間店賣呢隻腸粉，即刻去試！店藏於一棟舊樓嘅ground floor,有啲似大排檔,得幾個座位。到櫃檯買票後等叫取食物。我食咗兩次先來寫食評，第一次堂食，第二次外賣。自己帶盒減兩蚊，讚！重另附豉油，提我食先唔落好味啲，再讚！今次外賣豬膶腸粉補下血，豬膶份量夠，啖啖都食到，有底味唔怕腥。腸粉由於皺皮，可以多啲範圍沾到豉油，同時亦增加口感，加上有蔥花又有蝦米，令味道更豐富。一份做早餐真係夠有突，小店有心食物又好味！建議自己帶盒因為就算堂食都係全即棄餐具，環保啲又會食得開心d~佢地仲有粥架，下次要試下～