睿和牛燒肉 (已結業)

住港島朋友帶我黎大坑食野🤤呢間燒肉店同隔離間居酒屋係同一個老闆開，但因為居酒屋太多人，所以我地就揀左燒肉食味淋河豚魚干河豚燒完幾腍身，點沙律醬食甜甜地，叫杯啤酒送一流蟹子忌廉芝士沙律軟滑嘅芝士，爽脆嘅沙律菜同埋青瓜，加埋適量嘅沙律醬，配合得好好，又有開胃嘅感覺深海池魚薄切刺身刺身用左柚子醋，蔥再加埋適量嘅Wasabi，柚子醋酸酸甜甜，用喺刺身上面保持到刺身嘅鮮味，又可以帶出魚香。西京燒銀雪魚上菜既時候見到碟入面有好多油，係魚燒出嚟嘅魚油，魚肉肥美，用最簡單燒嘅做法帶出最嫩滑嘅魚肉，火候控制啱啱好鱈魚麵非常少見嘅菜式，今日食嘅魚麵爽彈，唔會好重麵粉味或腍晒，魚麵出色，但湯底略嫌偏鹹