影片
更多
2021-10-03
996 瀏覽
打贏大佬有隱藏人物大班樓顧名思義又難book位升呢到十分之難book位大多數都係歌頌佢點樣好食但係我反而覺得食乜嘢攻略先至係最重要小弟想分享一下佢有咩隱藏食譜等，等大家唔使好似小弟咁樣食飯之前好似要喺投資銀行嗰度做back Office咁不停做research 、因為你冇做到功課都是跟個餐牌叫佢哋大多數都會答你「冇冇搵白母」第一刀叉燒 ：呢個會喺菜牌搵到但只限套餐牌，散叫冇顯示，你又唔知幾錢，最過癮嘅係你預訂咗佢都會答你睇吓當日師傅買唔買到第一刀先講，所以你訂咗都未必有，大約$100 一件 係好赤，但係真係好味，濃邊焦香鬆化無卑第一刀厚切係好食嘅蟛蜞碗豆煮琵琶蝦 220 一位 ：琵琶蝦煮得爽脆配上脆卜卜的豌豆加上蟛蜞蟹膏，薑可能落多咗但係你都食到食材嘅鮮味，呢個直情你點樣反轉個餐牌都搵唔到剁椒龍躉魚頭配自家製餃子：四人份量大約$880 ，呢個你會喺佢嘅菜牌搵到但係必須要預訂，同埋菜牌上係冇顯示可以加餃子的，加餃子係靈魂因為佢可以將嗰啲剁椒撈落去入晒味，唔會過辣，充滿豬油香，皆因佢會好善長人翁地一條條肥豬肉切絲一齊蒸，三高的我也要啪一條落口到感受下（笑）侍應會好醒目地問你呢道菜需唔需要影
大班樓顧名思義又難book位升呢到十分之難book位
大多數都係歌頌佢點樣好食
但係我反而覺得食乜嘢攻略先至係最重要
小弟想分享一下佢有咩隱藏食譜等，等大家唔使好似小弟咁樣食飯之前好似要喺投資銀行嗰度做back Office咁不停做research 、因為你冇做到功課都是跟個餐牌叫佢哋大多數都會答你「冇冇搵白母」
第一刀叉燒 ：呢個會喺菜牌搵到但只限套餐牌，散叫冇顯示，你又唔知幾錢，最過癮嘅係你預訂咗佢都會答你睇吓當日師傅買唔買到第一刀先講，所以你訂咗都未必有，大約$100 一件 係好赤，但係真係好味，濃邊焦香鬆化無卑第一刀厚切係好食嘅
蟛蜞碗豆煮琵琶蝦 220 一位 ：琵琶蝦煮得爽脆配上脆卜卜的豌豆加上蟛蜞蟹膏，薑可能落多咗但係你都食到食材嘅鮮味，呢個直情你點樣反轉個餐牌都搵唔到
剁椒龍躉魚頭配自家製餃子：四人份量大約$880 ，呢個你會喺佢嘅菜牌搵到但係必須要預訂，同埋菜牌上係冇顯示可以加餃子的，加餃子係靈魂因為佢可以將嗰啲剁椒撈落去入晒味，唔會過辣，充滿豬油香，皆因佢會好善長人翁地一條條肥豬肉切絲一齊蒸，三高的我也要啪一條落口到感受下（笑）侍應會好醒目地問你呢道菜需唔需要影相，如果需要影相佢唔會同你切開，我個人以口味行先因為你碎上的話可以入味啲 （註：一粒餃$10，俾佢啦超值，雖然木耳絲同筍絲唔夠多但係都係好食嘅）
滷水花椒吊桶：呢道菜喺菜牌上搵到但係佢限量版AJ 一樣唔訂到時叫唔知有冇 （一位$60），吊桶10分爽，滷水味剛剛好不會過鹹或過淡，再加少少花椒香唔會哽喉，吊桶鬚爽脆無比，「正」
脆皮羊肋骨（108 一條）呢個餐牌有嘅但係又係限量版Travis Scott ，酥脆無比，如果呢個你有帶走Pair 我真係下身Travis Scott，上身fragment , 襯到絕呀 ，建議不顧儀態攞紙巾揸住舊骨一絲絲豪氣地咬落去，你會好似覺得自己突然間變咗楚留香嘅鄭少秋大俠一樣10分豪邁 （笑）
江南百花雞： 另一度yeezy, 盡考師傅工，簡單來講就係脆雞皮釀蝦膠，但係我略嫌蝦膠彈力不足，有少少濕，相比之下可能澳門六棉酒家更勝一籌
餐牌度搵唔到嘅煲仔飯
榨菜肥牛煲仔飯 （120 一位）
相比起佢其餘兩款煲仔飯呢款可能比下去，但係如果你冇食過先前嗰兩款嘅話呢款都好開心㗎，食完之後將飯焦做泡飯修理大約$40一位、個泡飯落咗蜆，係真係幾正，但係記得叫佢留少少飯焦唔好全部做晒泡飯等自己可以食下脆卜卜又係另一種食法
梅菜扣肉煲仔飯
雖然好邪惡，建議完可以告解一下，個人覺得梅菜偏甜，如果可以中和一下咁就仲不得之了
馬友魚煲仔飯
呢個絕對係神級，真係難以筆墨形容，淡淡飯都充滿馬友魚香，真係好想大嗌一聲「好好味呀」
Corkage 收你180 枝都尚算合理
天下之大豈能食盡所有東西，當然花雕蟹，芋角、臭豆腐等亦都係必叫
今日嘅分享亦都記錄不盡佢其他隱藏菜式，遲啲會同大家繼續報道
希望你鍾意我嘅少少分享 😊
張貼
