The Hwaduk (已結業)

呢晚同老公睇完戲，煩惱緊食乜好嘅時候，行過一座好似商業大廈嘅地方，睇睇個水牌，好多餐廳，就上網睇下邊間好食啦~ 然後就見到呢間食韓式烤雞嘅餐廳，感覺上無炸雞咁熱氣，於是就決定試下。餐廳環境都算大，座位都唔會好迫，同隔離檯又唔會好近，有返少少私穩。由於在懷孕初期，啤酒就無我份架啦！點左杯無酒精嘅Sangria 過下口癮我同老公分別點左 Red Sangria 同 Pink Sangria Red就帶多點藍莓味，有啲似利賓納Pink就帶點西柚味，有點甘甘地嘅果皮香氣呢個香蒜蔬菜烤雞真係好正！又惹味！佢啲蒜仲要勁多，勁香！如果之後要同情人錫錫就要帶定漱口水啦！再黎我地叫多左個Pizza呢個叫做雜錦種子薄餅呢個薄餅嘅特別之處就係佢相對健康，因為Pizza上的材料都是不同種類的種子，配芝士焗餅邊烘得脆脆的，而且薄薄一片。如果怕太乾，旁邊還有橄欖油，可以滴少少去中和一下。如果大伙兒share, 想試多啲唔同嘅野食，其實店內仲有幾款拼盤俾大家揀架喎之不過我地當晚都唔算太餓所以就無點拼盤啦！當晚的食物，份量都叫做大大份，好足料所以我地都覺得呢個價錢幾合理如果想食到韓味雞，唔一定要炸嘅！烤雞都可以好好味