清真牛肉館 (打鼓嶺道)

營業中

休息中

九龍城有兩間清真牛肉館大家都知,一街之隔,味道已經有所不同。大家有同感嗎?今次一班友人食的是九龍城打鼓嶺道33-35號地下的一間,明顯比另一間好味。咖哩牛腩，好好味，唔會太辣，牛肉炆得好淋好入味。牛肉餅，水準明顯比另一間好得多。肉汁多左好多，而且肉汁好鮮甜。正。銀絲卷，炸會比較好，另一款比較易散。蝦子鍋塔豆腐，這個做得好好，豆腐好滑，蝦子個羹味道剛剛好。推介。京燒羊腩，好味，沒有羊的蘇味，燒得好香口，羊肉都好嫩滑，又有肉汁。必選。