囍點坊點心專門店 (已結業)

今日一起身，朋友話想食點心，又話唔好咁貴，又唔想太遠。用openrice一搵就搵到呢間，咁就去試下啦！大約三點鐘左右去到，一推開門，空無一人，不禁打了一個突，心想「有開門嗎？」不過好快侍應就安排我地坐低。見到有下午茶（2:30-5:00pm)，某幾款點心都係平$3左右，又唔係特別想食，所以就無叫到。一行三人點了8樣野： 首先送上囍點流沙哥（即係流沙包）一上黎見到個樣好橙，都幾可愛既。皮有D厚，但真係幾熱幾流心，唔錯！最好一上就即刻食！跟住食左炸鮮奶炸皮好硬，又無奶味，又唔夠熱，同平時食開新興既炸鮮奶真係無得比！最後就食剩兩舊芝士蝦春卷意外驚喜！好脆，真係有芝士同大大隻蝦喺入面！好食！四寶滑雞扎味道無乜特別，但出乎意料既係冬菇好大粒，都幾有冬菇味。呢個價錢黎講算唔錯！蒸蘿蔔糕個樣睇落冇乜料，仲要無乜蘿蔔，一食落去，糕還糕，蘿蔔還蘿蔔鐘意食蘿蔔糕都覺得好難食，想食蘿蔔糕都覺得呢個食唔落口！仲叫左珍珠雞(一籠有兩件)，燒賣皇，鳳爪排骨飯。都係不過不失三個人最後埋單$194 ，都幾抵茶芥＄3位，算平，但係淡而無味，隔離枱位伯伯一飲就飲得出係潽洱，厲害厲害！