French Lab (已結業)

有冇諗過喺城市工廠大廈裏面都可以搵到一片寧靜嘅空間?仲可以用平民價錢食高質嘅法國餐?仲要係少鹽小糖。上到去個環境仲好唔錯添，非常之優雅，好有法國🇫🇷小镇悠閒嘅感覺，仲有一個小露台俾你望住出邊綠油油嘅草地共餐，佢lunch time嘅時候仲有蘋果伯爵茶任添飲添🥳🥳🥳香煎比目魚虎蝦呢個除咗好味之外，價錢真係好抵，有冇諗過$128可以有比目魚仲要有虎蝦添。Juice 彈牙嘅虎蝦配埋柔嫩滑溜比目魚，仲要加鮮味十足嘅青口，個底仲有奶香味濃郁同非常滑溜嘅薯蓉。dirty coffee（超級推介）呢杯真係超級特別，下邊冰凍嘅鮮奶再加上邊熱辣辣嘅咖啡☕️飲一啖嘅同時，你個口會有熱辣辣同冰凍嘅感覺好特別。初時諗住好容易沖啦，跟住返到屋企諗住試吓，原來其實真係唔容易沖😅所以嚟到真係要嗌一杯試吓。蘋果伯爵茶（Lunch time無限添飲）用新鮮嘅蘋果浸住冰凍嘅伯爵茶，新鮮嘅果味加冰凍清甜嘅伯爵茶，飲一啖簡直清新又透心涼。上面仲有好多唔同嘅醬汁，煮食用料，同埋肉選購添。