小憩片刻·雞湯·麵·串燒 (已結業)

土瓜灣呢個地方對我呢個新界人嚟講真係好陌生 可以話係十年都唔會去一次既地方 今次都係有住附近既朋友帶路先識去呢間餐廳食野朋友推薦一定要試佢個兩款招牌湯麵 一個係椰子雞湯 另一個係蟲草花膠雞湯 碗麵一上到嚟其實真係嚇左跳 因為佢真係足料到痺我諗佢隻雞都差不多有半隻 明明己經食左四五舊但原來個碗入面仲有 睇唔到係因為俾碗湯蓋過左湯嚟講佢都十分夠味 重要係食得出一d味精都冇落 飲哂成碗都完全唔會口乾椰子雞湯比較清甜 雞味同椰子味個平衡做得好好而蟲草花膠雞就相對濃味 同埋花膠係真係平時屋企煲湯個隻size而且仲有五大舊咁多 真係唔知佢點回本串燒方面都叫左幾款試試佢 有娃娃菜，雞脾菇，金菇肥牛同埋茄子 每款都係水準之上燒既時間啱啱好唔會有好燶既情況 調味粉都落得啱啱好唔會太重手 食得出食材本身既味道最後一定要提既就係佢既麻辣豆腐 真係整得好過唔少川菜館 豆腐豆味足 撈埋面頭個層麻辣醬真係食到停唔到口 因為佢隻麻辣醬食落有少少特別既藥材味 真係啱哂我口味 最後成碟野我個fd淨係有機會食到一舊 因為其餘個五舊己經俾我食左如果佢獨立為呢款醬出一樽樽俾人客買走更加好啦