瑪斯小食 (已結業)

今日同朋友係附近整完野，有少少肚餓，但又未到晚餐時間，所以就上OpenRice 睇下附近有咩小食店。一開始仲覺得係工廈3樓會唔會中伏，點知野食一黎到就知執到寶。以為$30一個墨西哥風脆玉米片 配蕃茄&孜然牛肉碎係就咁一pat醬係面，點知真係有肉碎同真番茄。芝士控一定勁滿足，芝士醬既量一啲都唔慳。另外，仲叫左個大阪燒加海鮮，下午茶份量啱啱好，加既海鮮係大大條蟹柳，真係好足料。味道拍得住日式餐廳。小食既選擇多到要黎下一次再試！