新籽田會館 (已結業)

淮揚菜係中國四大菜系之一，發源於揚州、淮安。今晚同屋企人慶祝想食啲特別野，竟然比我搵到間食淮揚菜式既樓上私房菜館😍一入到門口，門面裝修古色古香，岩晒長輩心水😆茶水已經好特別，係用大麥茶，好養生☺️🐥饞嘴烏雞爪 雞腳食得多，烏雞爪真係第一次食😳而且係好有心思用去骨雞腳，唔洗一路食一路吐骨🤣加上用左麻辣汁調味，作為開胃前菜真係拎足分，又惹味又開胃🥹油燜香筍 貌似簡單既一道小菜，但做得嫩脆清爽都唔容易，筍子切成條狀，入口爽脆不膩，而且冇澀味，好容易食到停唔到口🤣🌼桂花糯米藕 呢碟係江南名菜🌟，將糯米灌入蓮藕入面，再配以桂花醬，雖然呢道菜係甜品，不過傳統黎講係會同開胃小菜一齊上枱啊😆蓮藕爽脆，糯米軟糯，桂花香味四溢，色香味俱全！揚州大煮干絲 呢道絕對係一道功夫菜，切得極幼如麵條既豆腐乾絲，配上火腿絲，冬菇絲等等既食材，種種材料滲入幼細既豆乾絲中，清爽得黎極有風味👍🏻🐷揚州古法獅子頭 超超超推介！想試既話大家預約果陣記得預訂啊！每個獅子頭都有專屬既獅子盅😍好靚啊！🦁打開盅蓋就會見到大大舊獅子頭，一夾既時候已經感覺到肉質超軟嫩！肉汁飽滿，入口唔會太肥膩，一人一粒食完都唔係好夠喉🤣