姨婆瑪麗 (已結業)

舖頭名好有趣，原來係Ipoh Mari嘅譯音。不過間舖開喺條開滿室內設計公司嘅街，唔係街坊真係唔會諗到裏面有嘢食。今日應住北角嘅朋友邀約嚟試試馬拉車仔麵。叫咗碗怡保雞湯底嘅米線~餸揀咗炸魚皮、咖喱魚蛋同牛腩。牛腩好稔~但最正都係湯底，泛住金黃雞油，配米線就滑上加滑~食咁少當然唔夠，所以再加多個小食拼盤~拼盤相當抵食，有2條烏打烏打、五香肉卷同單骨雞翼~第一次食烏打烏打，蕉葉包住醃過嘅魚肉一齊燒，食落甜甜地，有少少香辛料味，就好似「免治」版嘅燒魚乾~另外兩款就香脆入味，香料味滲入肉裏面~小食做得相當出色~