影片
更多
2020-06-06
735 瀏覽
前日去沙嶺探手足，途經上水，緊係要懲罰一下呢區黃店麵家山下啦呢間隱沒喺橫巷裏面嘅拉麵店，我跟住地圖前前後後行咗成條新康街三次都揾佢唔到😂然後我哋開始逐條橫巷𥄫下見唔見，第一次行過馬仔記旁邊條巷本來都想行入去睇下，點知成班狗企哂喺度呃OT，於是我哋又行咗一個圈再返去，點知真係喺馬仔記後面，要經呢條巷仔行入去嘅，如果大家要用Google Map search, 就寫Menya Yamashita 😄我哋坐咗喺樓下門口位，對住師傅煮麵，好有日本街頭麵店feel我哋叫咗一個黑蒜叉燒拉麵同一個醬油叉燒拉麵，黑蒜湯底唔算好濃，醬油湯底較清，都入味嘅，叉燒份量幾多，肉質夠腍有油香，麵質個人覺得軟硬適中，價錢都相當吸引，$75 一碗，抵食😋本身好少去上水，如果有機會必定再嚟食過
前日去沙嶺探手足，途經上水，緊係要懲罰一下呢區黃店麵家山下啦
呢間隱沒喺橫巷裏面嘅拉麵店，我跟住地圖前前後後行咗成條新康街三次都揾佢唔到😂然後我哋開始逐條橫巷𥄫下見唔見，第一次行過馬仔記旁邊條巷本來都想行入去睇下，點知成班狗企哂喺度呃OT，於是我哋又行咗一個圈再返去，點知真係喺馬仔記後面，要經呢條巷仔行入去嘅，如果大家要用Google Map search, 就寫Menya Yamashita 😄
我哋坐咗喺樓下門口位，對住師傅煮麵，好有日本街頭麵店feel
我哋叫咗一個黑蒜叉燒拉麵同一個醬油叉燒拉麵，黑蒜湯底唔算好濃，醬油湯底較清，都入味嘅，叉燒份量幾多，肉質夠腍有油香，麵質個人覺得軟硬適中，價錢都相當吸引，$75 一碗，抵食😋
本身好少去上水，如果有機會必定再嚟食過
張貼