影片
更多
2020-11-04
283 瀏覽
朋友話想食點心，好唔容易搵到間係同路人。雖然入到去令到我有d懷疑人生，播埋d陸味濃電音歌，入面又多年紀比較大嘅人，最後find out 到佢地係隔離間黃到金茶餐廳旗下嘅，就冇左份擔心。但如果係對家黎嘅，賺埋佢地d錢咪仲開心🤣 no bias no bias 沙嗲金錢肚個汁幾好，濃度適中夠入味，但牛肚偏淋。鮮蝦燒賣皇好大粒，仲有4粒咁多，好多茶樓叫燒賣皇特點，仲要得兩三粒🤣。都重蝦味，肉質都彈牙嘅，唔錯。黑椒蒸大腸呢個真心正，大大舊，又幾多，洗得乾淨係重點，黑椒夠入味，大腸冇霉又唔會太淋。北菇棉花雞大個左已經好少叫，係朋友揀嘅，食左舊魚肚，我覺得太淋，d雞大大舊夠滑，算係咁。黑金奶皇流沙包外貌協會嘅我覺得佢唔夠靚仔，d金色得一點點唔太eye catching, d流沙夠流質，奶皇味都夠，但略賺包太厚，流沙偏少。紅棗糕唉，呢個就失望喇，我好鐘意食紅棗糕架，見親都點咁滯，呢到嗰d夠彈夠Q, 但略嫌太黏，仲要近乎冇紅棗味咁滯，傷心。脆皮蝦腸粉sorry太餓唔記得影，覺得麻麻地，腸粉皮厚，入面又炸得唔夠脆，蝦肉偏咸，唔推。 整體黎講點心份量都幾老實，午市時間廿幾蚊起一籠點心，價錢算合理，茶位好平
雖然入到去令到我有d懷疑人生，播埋d陸味濃電音歌，入面又多年紀比較大嘅人，最後find out 到佢地係隔離間黃到金茶餐廳旗下嘅，就冇左份擔心。但如果係對家黎嘅，賺埋佢地d錢咪仲開心🤣 no bias no bias
沙嗲金錢肚
個汁幾好，濃度適中夠入味，但牛肚偏淋。
鮮蝦燒賣皇
好大粒，仲有4粒咁多，好多茶樓叫燒賣皇特點，仲要得兩三粒🤣。都重蝦味，肉質都彈牙嘅，唔錯。
黑椒蒸大腸
呢個真心正，大大舊，又幾多，洗得乾淨係重點，黑椒夠入味，大腸冇霉又唔會太淋。
北菇棉花雞
大個左已經好少叫，係朋友揀嘅，食左舊魚肚，我覺得太淋，d雞大大舊夠滑，算係咁。
黑金奶皇流沙包
外貌協會嘅我覺得佢唔夠靚仔，d金色得一點點唔太eye catching, d流沙夠流質，奶皇味都夠，但略賺包太厚，流沙偏少。
紅棗糕
唉，呢個就失望喇，我好鐘意食紅棗糕架，見親都點咁滯，呢到嗰d夠彈夠Q, 但略嫌太黏，仲要近乎冇紅棗味咁滯，傷心。
脆皮蝦腸粉
sorry太餓唔記得影，覺得麻麻地，腸粉皮厚，入面又炸得唔夠脆，蝦肉偏咸，唔推。
整體黎講點心份量都幾老實，午市時間廿幾蚊起一籠點心，價錢算合理，茶位好平。但某d點心都有好大進步空間，希望佢地會改善啦。
張貼
