茶寮 京都仁王門

營業中

休息中

行過俾佢嘅梳乎厘班戟吸引到，所以坐底試下。先講環境，喺商場嘅開放位置，小朋友一路食一路望住樓下有嘢玩，食都食得快啲。鰻魚飯有驚喜，都算好大塊好厚身，個汁嘅甜度剛剛好，珍珠米嘅軟硬度亦都拿捏得好好。另外叫咗個芝士吉列豬扒蛋包飯，可以揀白汁或者咖喱汁，佢嘅咖喱唔辣，小朋友都食得。芝士拉絲，豬扒夠脆唔會厚粉，不錯。另外都想欣賞佢每個餐都配杯熱茶，幾濃幾消滯，細心嘅安排。最後就係甜品啦，叫咗個原味，實物同相片一致，旁邊嘅cream好畫龍點睛，夠滑夠香。走嘅時候見到原來佢都有早餐食，下次可以試吓；講埋我哋食嘅時候兩位職員嘅服務態度都超級好同細心，值得一讚。