萬家廚房 (已搬遷) 新店位置

我地一行三個人，放工專程嚟食傳說中好好味好滑既走地雞拉麵（其實都幾fusion，因為雞係清遠雞）。說實話，西環真係好難再搵到可以安安靜靜既餐廳食飯了，自從地鐵開通之後，連鎖餐廳同高級西式餐廳如雨後春筍般開得遍地都是，稍微有點本土情懷既餐廳開始變得少之又少，所以我特別珍惜好似「萬家廚房」呢種人少少既餐廳。總體而言，性價比都係不俗的。一個飯/拉麵平既100都唔使，貴小小都有100幾既選擇，豐儉由人，但用料都係有一定水準。一餐飯3個人，食左500幾，人均先100幾，但除左食飽肚之外，仲額外收穫多一份spiritual comfort。有時候人係矛盾既，安靜又怕無生意，太旺又嫌太嘈雜，希望萬家廚房可以長做長有，等我放工有一片淨土哈哈！