影片
更多
2014-10-13
509 瀏覽
今晚入到來係想去Aeon超市shopping，shopping之前一定要食飽飽先。見到這店面環境不俗，門口的侍應面帶笑容就入去試試。侍應介紹今晚有特價魷魚沙律$28，咁就先要一客。menu內的拉面平均約$8x不包飲品，拉面可以加錢加其他餸料，而日式定食都係$8x包前菜丶面豉湯丶主食丶一罐汽水。叉燒拉面加熏蛋，碗好大但面係低於碗一半的深度，所以覺得係碗有少少頂住隻手夾面，湯比較少，如果多番少少更好，湯好濃的豬骨味，叉燒冇咩特別，熏蛋做得唔錯，蛋黃仍然是糖心，面條烚得岩岩好，面質也不差，回味。魷魚沙律一上碟，原來是蔬菜丶炸魷魚圈上面有日式沙律醬，蔬菜係美國長生菜丶蕃茄仔丶青瓜仔丶粟米粒，因為生菜好爽脆，感覺好清新，炸魷魚反而失色因為太硬。玉子吉列豬扒定食，配菜是泡菜，不辣只有酸甜味，雖然唔係正宗韓式泡菜味，但是都好食。面豉湯好多昆布和豆腐粒，而且不會一味死咸，正！玉子豬扒飯的玉子好靚好香蛋味，撈飯真係好正，因為d飯會好滑，吉列豬扒個吉列皮薄而且脆，冇皮肉分離，豬扒肉不鞋不太硬，這塊豬扒做得有水準。白飯唔夠熱，感覺有點硬，醬油汁冇味，幸好用玉子撈一撈，好d冇咁硬。整體以這個價錢對比食物丶服務
見到這店面環境不俗，門口的侍應面帶笑容就入去試試。侍應介紹今晚有特價魷魚沙律$28，咁就先要一客。menu內的拉面平均約$8x不包飲品，拉面可以加錢加其他餸料，而日式定食都係$8x包前菜丶面豉湯丶主食丶一罐汽水。
叉燒拉面加熏蛋，碗好大但面係低於碗一半的深度，所以覺得係碗有少少頂住隻手夾面，湯比較少，如果多番少少更好，湯好濃的豬骨味，叉燒冇咩特別，熏蛋做得唔錯，蛋黃仍然是糖心，面條烚得岩岩好，面質也不差，回味。
魷魚沙律一上碟，原來是蔬菜丶炸魷魚圈上面有日式沙律醬，蔬菜係美國長生菜丶蕃茄仔丶青瓜仔丶粟米粒，因為生菜好爽脆，感覺好清新，炸魷魚反而失色因為太硬。
玉子吉列豬扒定食，配菜是泡菜，不辣只有酸甜味，雖然唔係正宗韓式泡菜味，但是都好食。面豉湯好多昆布和豆腐粒，而且不會一味死咸，正！玉子豬扒飯的玉子好靚好香蛋味，撈飯真係好正，因為d飯會好滑，吉列豬扒個吉列皮薄而且脆，冇皮肉分離，豬扒肉不鞋不太硬，這塊豬扒做得有水準。白飯唔夠熱，感覺有點硬，醬油汁冇味，幸好用玉子撈一撈，好d冇咁硬。
整體以這個價錢對比食物丶服務，我覺得會再來幫襯。
張貼
