小王牛肉麵 (已結業)

話說今日同女朋友打算去九龍灣德福夾公仔，出門前未食野，見三點幾鐘，就打算去到德福先搵野食。我地去到德福都接近四點，周圍望下呢頭有咩食，見到呢間小王牛肉麵，星期日都難得有下午茶，嘩，下午茶喎.. 講真香港打工仔有幾可有機會嘆返個下午茶，難得有機會，就決定試一試佢。我同女朋友分別點左一個台式肉燥滷蛋飯同一個台式炸醬麵，飲品就點左蜂蜜冰茶。先講下我個台式肉燥滷蛋飯，賣相方面其實就係普通一碗肉燥滷蛋飯，無咩特別既點綴。肉燥既份量麵算足，拌飯攪勻去岩岩去，味道方面5會太咸，聞落都幾香。滷蛋5夠入味，同食普通蛋差5多。至於女朋友個炸醬麵，麵條係粗麵果種，食落既口感同759買既差5多，相較之下彈牙小小。佢既肉醬其實就係佢啲肉燥黎，上面有評過就5再多講啦。撈埋之後食落去加埋青瓜既味，食落5會覺得太油膩，但味道就一般啦。最後都講埋呢杯蜂蜜冰茶啦！呢杯蜂蜜冰茶係我最滿意既，佢既茶味5會太淡，而且蜂蜜味幾足，飲淡甜而不膩，可能自我感覺既關係，飲落都幾潤口添！價錢方面因爲下午茶，埋單加埋都5洗一舊水！認真抵食呀！今次係甘多，下次食好野再分享！