大蔵季節料理 (已結業)

今日同朋友嚟到銅鑼灣覓食，由於我哋兩個都好鍾意食日本料理，所以我哋就揀咗呢間餐廳餐廳環境闊落，坐得都幾舒服，店員不時添茶遞水，態度好好。👍午市套餐選擇頗多，熟食同壽司刺身定食各有一份Menu。我就點左個最有特色嘅大蔵壽司便當，而友人就點左銀雪魚西京燒定食。💁🏻‍♀兩個set lunch均配有前菜，麵豉湯同埋茶碗蒸，十分豐富及精緻。😼朋友的銀雪魚西京燒，魚肉嘅油脂豐富且滑身👏，魚皮煎到脆卜卜，整體層次豐富，友人十分滿意。😘而我嘅壽司便當就有三層：第一層為三款刺身，識落均新鮮肥美。🥳第二層為三款壽司，其中最欣賞係帶子壽司，粒帶子極厚身🤤，至於卷物就普通左🤔。第三層拖羅蓉海膽三文魚子丼飯，分量夠晒飽肚，海膽creamy味道食落正常。最後套餐仲包左份天婦羅🍤，好滿足😏～呢餐飯我同友人都食得十分滿意，下次有機會會再嚟幫襯🥰