浜滝 (已結業)

喺銅鑼灣行街，夜晚黎天后搵食。俾個門面閃到，見到係食日本野，二話不說即入。入面裝修都好靚，以為自己去左日本。好多日本酒，又播埋日本電視節目，滿滿東瀛味。由於唔算好餓，三個人只係叫左四樣野。見到menu啲串燒幾吸引，就叫左串近江牛柳試下。雖然唔算好平，不過見係recommend，即管試下。真係唔錯，夾埋啲蔥食係幾香，牛味都好濃，幾啱我口味。Menu話北海道蟹場拉麵係推介，就叫一個黎試下。碗底加左舊熱石，令碗拉麵唔會咁快凍，第一次見。不過唔算好有用，因為碗麵都唔係好熱。飲左啖湯，好濃嘅蟹味，係幾鮮甜。最鍾意食溏芯蛋，次次食拉麵最鍾意見到佢。而蟹肉係鮮甜，都幾好食。大阪燒餅 - 唔係好知入面有咩食材，但咬一啖就feel到好足料同埋啲醬好夠味。食完都幾飽肚。半熟吞拿魚 - 壓軸登場，亦都係我最期待嘅美食。好香嘅黑椒味，配埋蔥，幾鮮味。口感唔同刺身，冇刺身咬落去一pat pat嘅感覺，反而有啲煙韌，幾獨特嘅味道。