Burgerman (埃華街)

營業中

休息中

今日放工去左南昌搵朋友，好小可黎到呢頭，於是同朋友就決定係呢頭搵食先。 朋友就帶左我黎呢間食，雖然細細間，但佢話burger 好出名。一坐低睇餐牌，價錢算中等，但望到隔離枱既burger...嘩...好大個，如果係咁，都算幾抵，難得黎到呢度就決定豪一豪食個鵝肝漢堡，因為平日好小有機會食到，之後再叫左個和牛漢堡、水牛雞翼同薯塊。首先和牛漢堡黎到，原來已經幫我地切開左，真係好細心，麵包勁鬆脆，和牛食落勁有牛肉味，軟軟的好有口感，其他快餐店完全冇得比。 之後期待已久的鵝肝漢堡到，嘩。。好足料，麵包依然超級鬆脆，完全feel 到係即時整既感覺，一分錢果然一分貨，初初仲諗住鵝肝係勁頹果d,但食落超好味，充滿鵝肝味，而且口感食落軟軟的，最重要係有鵝肝應有的油膩但一點也沒有太over,真係好正，今次真係豪得正確，實在太難忘。 水牛雞翼都煎得好香脆，配上酸酸辣辣的汁，十分好味。 最後薯塊都炸得好香脆，其實小食都好正，但冇辦法，因為完全比漢堡蓋過左風頭。呢度雖然細細間，但野食十分正，很適合2至3個朋友一齊黎食。