仙跡岩 (至秀商業大廈)

營業中

休息中

記得對上個次黎食，佢未搬上二樓，當時食完同自己講冇下次。見佢搬左，俾多次機會佢，點知⋯我地三個叫左三個餐，雞翅滷水蛋飯:啲飯一舊舊，好似冷飯咁，得两隻雞翅同一隻滷蛋幾塊菜。叫佢俾多碟豉油先勉強食左啲飯。叫左两碗，前後分開15分鐘送上。雞絲滷肉飯：雞絲加埋得一匙更，滷肉味道麻麻。等得最耐，上台又唔熱。全部野食覺得係隔夜送放埋一碟俾你食既感覺。芝麻珍珠奶茶：冇味又唔甜芋香珍珠奶茶：一樣淡到死服務唔掂，問佢點解咁耐次次話整緊，加肉燥得唔得又話唔知，叫幾次先抺台。簡單講，冇下次。