德家日式燒肉店 (已結業)

Book8點食，好快就有得入座，衣點好滿意。坐低左之後，帶位果個人就叫你揀食邊個set.咁我就揀左B SET.揀完之後，係到坐左15分鐘，無人同你講要等啲乜...就一直keep住係到等😂見隔離有個落單code,就scan左先 嗌住啲野食...啲野食少得可憐...落左兩次單，先黎左一次野 重要唔齊。都唔理喇 有得食就燒黎食啦....啲牛韌到...兩個人都食到個牙骹勁痛🙂🙂薄切牛舌 唔知薄切左去邊😀一口牛就最好食，因為咬到。個刺身盛就普普通通... 食完普通牛 再燒安格思牛...嘩 終於咬到喇😂😂 但可惜呀 刺身同安格思無得再嗌🙂...嗌左果啲牛盡量食 有啲咬唔到既 直接捨棄食到要一路食一路按摩個牙骹既之後就嗌左啲迷你蕃薯呀 脆玉瓜 多春魚呀 兩舊雞胸肉呀果兩舊雞胸肉又係成餐飯最易咬既一舊肉但又係呀 再落單果陣 佢又係唔會出比你🙂8點入座。9點last order。但其實食到8點半果陣已經想走 實在太難食 啲牛太韌。衣600幾蚊=倒錢落海 食垃圾。伏到🤮兩塊牛舌 同兩舊雞胸肉。