影片
更多
2014-01-03
3759 瀏覽
打電話去留枱，已經係話要十點先有枱，見OR啲Comment個個都lamlam脷，都照留枱，滿心等待我第一次食芝士火鍋！諗住九點半早少少去，睇吓會唔會有人早食完，早啲有枱，嗰結果係，都未講完有電話留枱，佢已經話唔做walk-in，同佢講留咗十點枱，佢話要十點三先有。睇過OR都預咗要等，十點三過少少有枱。環境有啲似以前中學去趕住食完去打波先會去食快餐嗰種茶餐廳咁，好逼！廚房只係用布簾隔住，不過咁窄嘅環境都，無咩油煙味，都算可以。個Menu好厚，咁細間餐廳可以cater到咁多款式都有啲令人懷疑，食完就知點解。大部份食物都係ready made翻熱就食得，所以應該只要一個大冰櫃就可以。叫咗三樣嘢先嚟係Anchovies Assorted Veggie Pizza，無咩驚喜，Pizza個底唔係自己搓，但味道中規中矩，因為Anchovies無分得好平均，所以六件Pizza唔係件件都有。雜菜切到好絲，除咗紅甘筍係好肯定咁咬到，其他都係太碎。第二樣係芝士火鍋，叫咗三文魚帶子，先上咗啲配料，一見到就係成碟凍肉舖貨，三文魚本來以為係煙三文魚，結果係三文魚扒切角，三隻帶子係連裙邊已經熟咗翻熱就食得嗰啲凍肉帶
環境有啲似以前中學去趕住食完去打波先會去食快餐嗰種茶餐廳咁，好逼！廚房只係用布簾隔住，不過咁窄嘅環境都，無咩油煙味，都算可以。個Menu好厚，咁細間餐廳可以cater到咁多款式都有啲令人懷疑，食完就知點解。大部份食物都係ready made翻熱就食得，所以應該只要一個大冰櫃就可以。
叫咗三樣嘢
先嚟係Anchovies Assorted Veggie Pizza，無咩驚喜，Pizza個底唔係自己搓，但味道中規中矩，因為Anchovies無分得好平均，所以六件Pizza唔係件件都有。雜菜切到好絲，除咗紅甘筍係好肯定咁咬到，其他都係太碎。
第二樣係芝士火鍋，叫咗三文魚帶子，先上咗啲配料，一見到就係成碟凍肉舖貨，三文魚本來以為係煙三文魚，結果係三文魚扒切角，三隻帶子係連裙邊已經熟咗翻熱就食得嗰啲凍肉帶子，有兩隻吉列蝦，都係凍肉舖賣嗰啲，返屋企用微波爐叮熱嗰啲。蟹棒三條，都係凍肉舖五十蚊有三四十條嗰啲魚肉即食蟹棒。其他還有四嚿煮到過軟嘅西蘭花，星星型魚蛋，炸薯粒，魷魚，蘋果，菠蘿，麵包粒。除咗蘋果我可以肯定係新鮮嘢，其他都係疑似凍肉舖貨式！再上係個芝士，因為第一次食，唔敢講個味好唔好味，但感覺好淡唔香唔濃。第一嚿就試麵包，覺得個芝士好稀，唔係好上到個麵包。仲有一口粉嘅感覺，應該係開粉嘅，而唔係用芝士煮熔出嚟。收咁嘅價錢食凍肉舖嘢，連芝士都係開粉，咩都係ready made！
第三樣係Foie Gras Risotto，一上枱就知出事，個意大利米係軟到無牙婆都啱食。Foie Gras煎得唔夠香。講完！
跟主菜有湯或飲品，要了一客湯一客咖啡，湯係忌廉野箘湯，好稀，似係開水白汁，咖啡尚可。間餐廳有啲細，枱同枱之間好近，唔係好適合傾密計，情侶都唔係好適合去浪。隔離枱係遲過我地到達，一齊入座，佢地叫咗個芝士波，好快就送上，所以都應該係ready made嘢。另外叫咗個Carbonara，都大碟但個色唔係好似蛋黃醬，似港式白汁多啲，不過由於始終唔係自己食，味道唔清楚，只係見個賣相。
張貼
