瀛豐放題料理專門店 (已搬遷) 新店位置

復活節的第一日，又可以睡到日上三竿，之後去了銅鑼灣時代廣場睇小飛象展覽。復活節咁開心當然唔少得去食放題，又想食生蠔，又想食刺身，又想食串燒，於是找到位於銅鑼灣駱克道京都廣場內的瀛豐放題料理專門店。餐廳裝修設計簡約明亮，給人舒適的感覺。晚市放題是可以在任何時間入座計用餐2小時，由於實在太想食生蠔，所以我們便加了$118升級任食法國皇家生蠔、美國太平洋生蠔、海膽火焰帶子和任飲Blanc1664及Asahi生啤。這裏點餐既方便又環保，只要掃一掃枱面上的QR Code，就可以用手機點餐。食任食最慘就係點完又點都唔到，有了這個點餐系統就點過邊啲食物都一目了然，可以監察住店舖有無走單。以我們點了又點，點了咁多唔同類型的食物來說，真係你點幾多就來幾多，超讚。除了手機點餐的任點任食項目外，還有採用自助形式的飲品櫃、雪糕櫃及甜品櫃。重點的生蠔即叫即開，而且洗得乾淨。生蠔隻隻飽滿，入口好順滑兼爽甜帶少許海水味，令人食完一盤又想食多一盤。海膽火焰帶子的帶子又大又厚肉，入口鮮美，配上同是非常新鮮兼且入口即溶的海膽，是多麼的夾。刺身新鮮、擺盤亦美觀，三文魚刺身肥美；馬刀貝、北海道角螺、八爪魚及象拔蚌刺身爽口鮮美