影片
更多
2022-10-30
574 瀏覽
星期六收工又約朋友們食飯，今次話試下呢間呢排老是常出現既林明禎廣告既翡翠拉麵小籠包，都知佢係一間連鎖集團，咁未試過就一於黎試試質素如何啦。星期六大約7點左右到，老友早左少少6點半攞左飛，我剛到等左無耐就入得，店內環境都幾大，裝修都幾靚，3人行有幸安排坐左張最多坐到6人既圓枱，所以算坐得幾舒服，仲有位擺下野tim，如果2個人就可能會安排坐係靠邊既位置，會比較迫少少，另外同好似中菜館一樣要收茶位同小費的，茶位每位10蚊小食8蚊，都可以接受。先睇有咩食，見到有個幾吸引既信用卡優惠2人餐幾抵，就點左1份，另外再後加d野咁，落單形式都係用QR code，咁就可以慢慢睇慢慢點。前菜拼盤可以揀3樣前菜，分別揀左宮廷醬茄子，美味燻魚同雞絲粉皮，茄子煮得岩岩好，同d醬好夾，醬汁少少甜有d似燒烤醬，燻魚就凍食，炸過既魚凍食就有少少韌，醬汁酸酸甜甜，味道都ok，雞絲粉皮粉皮就比較厚身d，麻醬都足夠但d粉皮再薄d會較好，其實個前菜分量都唔算少，幾抵食。三鮮海皇羮呢個羮都幾多料，食到好似有d竹笙豆腐之類既，都有少量蝦粒，同埋都幾大碗下，幾豐富。上海排骨拉麵先讚下個拉麵真係拉得幾好，1條過唔會斷，不過我地要sha
星期六大約7點左右到，老友早左少少6點半攞左飛，我剛到等左無耐就入得，店內環境都幾大，裝修都幾靚，3人行有幸安排坐左張最多坐到6人既圓枱，所以算坐得幾舒服，仲有位擺下野tim，如果2個人就可能會安排坐係靠邊既位置，會比較迫少少，另外同好似中菜館一樣要收茶位同小費的，茶位每位10蚊小食8蚊，都可以接受。
先睇有咩食，見到有個幾吸引既信用卡優惠2人餐幾抵，就點左1份，另外再後加d野咁，落單形式都係用QR code，咁就可以慢慢睇慢慢點。
前菜拼盤
可以揀3樣前菜，分別揀左宮廷醬茄子，美味燻魚同雞絲粉皮，茄子煮得岩岩好，同d醬好夾，醬汁少少甜有d似燒烤醬，燻魚就凍食，炸過既魚凍食就有少少韌，醬汁酸酸甜甜，味道都ok，雞絲粉皮粉皮就比較厚身d，麻醬都足夠但d粉皮再薄d會較好，其實個前菜分量都唔算少，幾抵食。
前菜拼盤
41 瀏覽
0 讚好
0 留言
三鮮海皇羮
呢個羮都幾多料，食到好似有d竹笙豆腐之類既，都有少量蝦粒，同埋都幾大碗下，幾豐富。
三鮮海皇羮
37 瀏覽
0 讚好
0 留言
上海排骨拉麵
先讚下個拉麵真係拉得幾好，1條過唔會斷，不過我地要share食就麻煩少少，另外湯底就比較單調味精較重，豬排幾厚炸得都幾香，但鬆肉粉可能重手左d拿到件豬排入面都粉晒食落無豬肉味，可惜。
紅油抄手
其實就等於菜肉雲吞加辣油，辣油唔會好辣，少少香辣味，怕辣既朋友都接受到，菜肉雲吞就正常啦，皮唔會好厚，餡料都幾足有肉汁。
上海排骨拉麵，紅油抄手
25 瀏覽
0 讚好
0 留言
蔥燒蹄筋
蹄筋煮得幾腍，腍得黎唔會好爛，有d咬口，我鍾意既口感，但調味就比較淡口d，對我呢d鍾意香口野既人就爭少少。
蔥燒蹄筋
10 瀏覽
0 讚好
0 留言
桂花酒釀丸子
酒味幾香濃，丸子細細粒幾煙韌，湯底甜甜地，有酒味有甜味有口感，呢個甜品幾唔錯。
桂花酒釀丸子
12 瀏覽
0 讚好
0 留言
凍檸檬薏米水
杯野本身無冰黎到係涼涼地未叫凍，佢本身特色係咁，口感偏向厚身少少，檸檬篤完都無乜味，普普通通。
凍檸檬薏米水
$23
15 瀏覽
0 讚好
0 留言
以上就係信用卡優惠2人餐，其實都幾多野食2個人都應該夠飽，但我地3個人喎，當然爭d要加野啦。
蟹粉小籠包
呢期推出既蟹粉系列，小籠包皮唔算好薄，包得住入面d湯汁，湯汁有d蟹粉香味但唔算好濃郁，唔太驚豔88蚊黎講價錢較貴，試過就算。
上海生煎包
45蚊3個細細個，屯包底都煎得金黃幾脆，內餡就比較一般，豬肉碎都似加左食粉之類野，肉味不香。
蟹粉小籠包，上海生煎包
$8
22 瀏覽
0 讚好
0 留言
豆沙鍋餅
全餐最差既野，上枱係好熱，但一點也不香脆，似係現成翻熱，差在係咪用微波爐，外皮有d韌，紅豆餡都做得唔好得醬無豆沙，55蚊不建議食。
豆沙鍋餅
$55
12 瀏覽
0 讚好
0 留言
全餐食完有好有唔好整體上算是中規中矩，價錢黎講係有信用卡優惠就抵食d，其實散叫食物可能會比較貴少少，呢餐3人人均230蚊都算可以，上海菜館黎講我地比較少食，呢間未試過都可以試下，下次會再發掘下更好的上海餐廳。
張貼
