大快活 (已結業)

啱啱喺大快活快餐店花左$36食咗呢個推廣期嘅特價餐，今日每樣野冇之前咁好食，雞扒同香腸唔夠熱（應該話差不多凍的），唔知係唔係一早整定；塊多士好乾，已經缺乏麵包應有的濕氣，雪菜肉絲米的雪菜有啲酸味，呢啲明明唔係鹹酸菜！嗰個湯底好深色但係沒有味道，連鹹味都唔夠！算啦！食飽啲一陣間要開工，上午和下午都要外勤，叫咗凍奶茶黎左杯杯凍檸茶，無飲到，費事改，反正每天早上起床的時候都會飲一杯自己沖的星巴克咖啡。唔好食都算！起碼夠飽可以開工！俾咗錢唔食好嘥！