台北車站 (已結業)

放工諗住喺附近食埋飯先至返屋企，喺新都城見到一間餐廳叫做台北車站，心諗好明顯呢間就係食台灣嘢，於是我哋就入咗去食晚飯，打開Menu發現，原來佢係一間多元素嘅餐廳，除咗有台灣嘢食之外，有港式小菜、港式茶餐廳食物，仲有川菜等等。睇到佢個Menu有雞煲，突然之間好想食，實在太耐冇食，所以我哋就決定叫麻辣雞煲小辣、招牌小炒王、古早味珍珠奶茶同埋香芋珍珠奶茶。麻辣雞煲小辣 - 調味料好惹味，夠麻，辣到啱啱好（對我來講）除咗麻味同辣味之外，我發現佢仲有啲甜味，我估佢可能有用到甜麵豉醬，不過呢個味道好啱我食，而且雞肉又唔係鞋，非常好送飯，好食！招牌小炒王 - 炒得好香，好夠味，而且佢仲非常之重本，因為佢落咗好多蝦乾，仲要啲蝦乾幾大隻。古早味珍珠奶茶、香芋珍珠奶茶 - 特別想講吓香芋珍珠奶茶，個味道好似飲緊一杯香芋奶昔，Good 👍🏻