喜亭軒 (已結業)

收工行過朗豪坊附近見到呢間新開嘅餐廳，見任食火鍋燒肉，價錢都唔貴即刻同同事上去試吓。我哋六點就食晚餐，環境好乾淨，坐得好舒服。員工服務態度好好，耐心紹套餐包啲咩。我哋最後揀咗美饌B雞煲海鮮放題套餐。首先上咗一個雞煲，離遠聞到已經好香。二人份量啱啱好，唔夠食仲可以refill，但我哋要留肚食其他好野。食完雞煲就送左一盤刺身拼盤，刺身好新鮮，擺得好靚，岩晒中意打卡既朋友。之後送埋海鮮拼盤，就可以揀埋湯底打邊爐，出邊仲有個自助配料吧。海鮮拼盤有鮑魚、聖子、青口、海蝦等等，好好食。湯底都好多選擇。我哋揀咗瓜環蟲草花桃膠雞湯底，入邊好足料，仲有一大舊冬瓜，可以解一解暑同下火。佢哋點餐係用手機落單，好方便。份量可以叫一份份或者一件件，啱晒咩都想試嘅我哋。我地試左黑毛和牛、肩胛肥牛、蝦滑、墨魚滑、鵝腸、鴨血。由於太多好嘢食，我地都試唔晒其他野。佢仲有小食、汽水、啤酒、台式飲品、雪條、雪糕任飲任食。最後仲有每人一杯movenpick送，仲有期間限定意式奶凍味。筲箕灣都有一間，住喺港島都可以食。