雞翼山 (裕民坊YM²)

營業中

休息中

今日喺觀塘做嘢，行到裕民坊一帶，喺裕民坊商場底層遠遠就聞到雞翼嘅香味，周圍望一下，竟然發現裕民坊有雞翼山分店啊！即刻行去睇吓個餐牌先！原來而家雞翼山除咗有一路以來嘅雞翼餐、一人餐、二人餐之外，仲有關東煮🍢！見到雞翼山嘅食物種類漸趨多元化，係喺附近返工嘅上班族👩‍💼如我嘅福音！今日好想不要儀態只想食雞翼！於是就帶咗一個12件雞翼嘅雞翼餐！可以喺12款口味之中揀三款！我揀咗冬陰功雞翼、避風塘雞翼和鹹蛋黃雞翼！每個口味有四件！我最鍾意係冬陰功雞翼！好有泰式風味！其餘兩款口味都唔差啦！難得裕民坊有分店！好想多啲嚟試吓其餘嗰啲口味，聽講玫瑰雞翼、黑松露雞翼都唔錯！仲有好想試吓佢哋嘅酥炸原隻燒雞，仲有關東煮添呀！