春田日本料理 (已結業)

　　前日下晝三點鐘，學完車同媽咪兩個人諗住黎呢度食番個下午茶，門口個帶位妹妹冇點理我地，咁我同媽咪就自己入去搵位坐啦，點知呢個時候，個待應就發揮作用喇，「呢邊唔坐得，我地要準備晚市！」禮貌欠奉，太上皇既語氣，媽咪為之氣頂！望一望隻錶，三點鐘就準備晚市，十分不合理囉．．．再舉頭一望，原來得十二張檯for下午茶，其中八、九張已經有人坐緊添！其餘個三十張"吉"檯就唔坐得囉．．．咁我同媽咪唯有死死氣坐第二張啦，點知件事仲未完，坐低之後，冇人歁茶俾我地，都算喇！媽咪見到成檯水，叫個待應黎清潔啦，嘩！你估發生咩事呀！！個待應妹妹行埋黎用十分不友善既眼神，可以用"怒睥"黎形容，拋低一句：「我未抹喎，冇人叫你坐呢度嫁！！！」究竟發生咩事呀？我想食個下午茶姐，點解要受你地氣呀？我即時起身離開呢間十級恐怖既舖頭，阿媽憤憤不平話要搵經理投訴，我就同阿媽講算喇！成間舖都請埋晒呢D後生妹妹仔，真係投訴無門呀！！