影片
更多
2019-07-15
1676 瀏覽
平時食中餐多數都會去酒樓，最近發掘間新派粵菜喺尖沙咀H8。食嘅嘢當然唔係普通粵菜咁簡單，睇見啲相，每個小菜同點心都非常特別，顯出廚師好有心機去整每一道菜。店舖都用上白色雲石檯同埋藍色椅為主，清新簡單之餘，亦有別於傳統粵菜餐廳。呢度一樣都有得開茶，不過呢度嘅茶都比較特色，普洱係陳皮普洱，陳皮皮好香好濃，另外店員仲介紹佢哋有法國玫瑰花茶，真係無諗過粵式餐廳都有花茶飲，我哋叫咗一壺，玫瑰花味好清新好香。🌷見到牆上電子menu介紹好多個菜都好吸引，好多都想試，最後店員介紹咗好幾款招牌菜式。第一道先嚟個手工菊花羹🌼🌼🌼：有啖啖蟹肉、湯底充滿金華火腿香，味道超鮮甜，師傅將一件豆腐切成一條條幼豆腐絲，猶如一朵白菊花🌼🌼🌼在水中綻放，除咗滿足口腹之欲，亦能夠滿足視覺嘅藝術，望見都覺得開心。個湯羹非常好飲，飲完一碗都唔多夠喉。星洲醬龍蝦加伊麵：龍蝦新鮮爽口，份量充足，加上師傅由新加坡空運秘製醬料星洲醬，撈埋伊麵一齊食，十分美味！海鮮芋頭烙：好特別嘅一個菜式，喺出面從未食過。一個薄薄嘅脆餅盛載住炸脆嘅芋頭粒，有啲蝦仁，面頭有大量芫茜，鍾意食芫茜嘅我啱晒，成個餅香口之餘又唔會太油膩。柚子豚肉粒：豚肉嫩滑，帶
平時食中餐多數都會去酒樓，最近發掘間新派粵菜喺尖沙咀H8。食嘅嘢當然唔係普通粵菜咁簡單，睇見啲相，每個小菜同點心都非常特別，顯出廚師好有心機去整每一道菜。
店舖都用上白色雲石檯同埋藍色椅為主，清新簡單之餘，亦有別於傳統粵菜餐廳。
呢度一樣都有得開茶，不過呢度嘅茶都比較特色，普洱係陳皮普洱，陳皮皮好香好濃，另外店員仲介紹佢哋有法國玫瑰花茶，真係無諗過粵式餐廳都有花茶飲，我哋叫咗一壺，玫瑰花味好清新好香。🌷
見到牆上電子menu介紹好多個菜都好吸引，好多都想試，最後店員介紹咗好幾款招牌菜式。
手工菊花羹
$52
17 瀏覽
0 讚好
0 留言
手工菊花羹
$52
20 瀏覽
1 讚好
0 留言
第一道先嚟個手工菊花羹🌼🌼🌼：有啖啖蟹肉、湯底充滿金華火腿香，味道超鮮甜，師傅將一件豆腐切成一條條幼豆腐絲，猶如一朵白菊花🌼🌼🌼在水中綻放，除咗滿足口腹之欲，亦能夠滿足視覺嘅藝術，望見都覺得開心。個湯羹非常好飲，飲完一碗都唔多夠喉。
星洲醬龍蝦加伊麵
$198
19 瀏覽
0 讚好
0 留言
星洲醬龍蝦加伊麵：龍蝦新鮮爽口，份量充足，加上師傅由新加坡空運秘製醬料星洲醬，撈埋伊麵一齊食，十分美味！
海鮮芋頭烙
$108
12 瀏覽
0 讚好
0 留言
海鮮芋頭烙：好特別嘅一個菜式，喺出面從未食過。一個薄薄嘅脆餅盛載住炸脆嘅芋頭粒，有啲蝦仁，面頭有大量芫茜，鍾意食芫茜嘅我啱晒，成個餅香口之餘又唔會太油膩。
柚子豚肉粒
$118
10 瀏覽
0 讚好
0 留言
柚子豚肉粒：豚肉嫩滑，帶有淡淡柚子香味，甜而不膩，伴碟有少許爆谷，點少少柚子醬汁，味道非常配合。
晚飯之後仲有甜品送，有咖啡糕同埋椰汁糕，椰汁糕用上消化餅餅底，好少有咁嘅配搭，味道不錯！
埋單時，仲發現店舖新開張期間有9折優惠，好抵食呀！
下次有機會要試埋佢嘅點心，見到好多都好特別，例如：紫薯天鵝酥、野菌金魚餃、太極馬拉糕。
張貼
