影片
更多
2019-09-20
556 瀏覽
中環唔同油尖旺銅鑼灣，口痕想食下小食都唔係咁易搵到。有日見擺花街有間小店「李好醒」，裝修幾得意，有醒獅頭、趣緻壁畫，仲用鼓做椅，原來係賣港式小食，有炸髀、煎釀三寶、臭豆腐、椒鹽燒賣、碗仔翅、XO醬炒蘿蔔糕等等，好有掃街feel。慢煮蛋XO撈麵（$33）好似係招牌小食，可以選粗或幼麵，我選幼麵，麵條撈左豉油，有香味但唔鹹，加埋XO醬少少辣幾惹味，篤穿蛋黃撈埋麵食，更增加滑溜口感，幾好食。呢個麵的分量大約係便利店撈麵咁上下啦，純粹頂一陣肚係ok嘅。佢有臭豆腐（$28）當然要點啦。一口size的臭豆腐新鮮熱辣炸起，外面脆，裡面未至於滑同juicy，但起碼唔乾，聞落少少臭，食落反而味道更濃，甜醬、辣醬落得足，每一舊都沾到，美味，完全滿足左食臭豆腐（越來越難食到）的慾望。雖然唔算平，但人在中環突然口痕，解下饞都唔錯。
慢煮蛋XO撈麵（$33）好似係招牌小食，可以選粗或幼麵，我選幼麵，麵條撈左豉油，有香味但唔鹹，加埋XO醬少少辣幾惹味，篤穿蛋黃撈埋麵食，更增加滑溜口感，幾好食。呢個麵的分量大約係便利店撈麵咁上下啦，純粹頂一陣肚係ok嘅。
佢有臭豆腐（$28）當然要點啦。一口size的臭豆腐新鮮熱辣炸起，外面脆，裡面未至於滑同juicy，但起碼唔乾，聞落少少臭，食落反而味道更濃，甜醬、辣醬落得足，每一舊都沾到，美味，完全滿足左食臭豆腐（越來越難食到）的慾望。
雖然唔算平，但人在中環突然口痕，解下饞都唔錯。
張貼
