榴蓮王 (已結業)

同朋友係旺角食飽晚飯，意猶未盡，好想再食埋個甜品，就搵到油麻地廟街呢邊有間好特別的榴槤王甜品店，對於好鐘意食榴槤的我當然好有吸引力啦，二話不說就同朋友行過黎食，原來就係油麻地地鐵站C出口出面。夜晚已經少人，但遠處見到的招牌都已經十分當眼，做外賣生意多，都有幾張檯凳可以坐低食。老闆好友善地介紹我地可以試下榴槤芝士凍餅同貓山王榴槤卷，就試下咁有特式的榴槤甜品啦。榴槤芝士凍餅，$42,芝士滑溜到不得了，入口即溶，食落去透心涼，榴槤蓉係用D24榴槤制成的，香濃鮮甜，夾埋芝士食好夾味道必試的貓山王榴槤卷，$58/2卷，貓山王蓉多到成個卷都係，班㦸皮薄，煙韌，每食一啖都充滿貓山王的香味，味道比D24更加重，更加香濃，是十分有誠意之作。