影片
更多
2024-08-08
779 瀏覽
買完波鞋，諗住搵一個地方可以坐耐啲嘅地方食飯。突然諗起金雞廣場有一間Cafe都有好多年歷史，今日於是同朋友去食吓。上到去冷氣非常涼爽，店員亦都好有禮貌，好快我哋入位坐。雖然只係7:30其實都已經好滿。見到Menu嘅飲品選項非常之多，又熱嘅果茶去到凍嘅奶昔沙冰都一應俱全，熟食方面相信佢哋應該係貴精不貴多，所以選擇唔算話好多，我同朋友就揀咗晚餐食，加$38就可以有沙律同甜品度梗係加埋佢啦。首先先上場嘅係田園沙律，份量其實都唔細係有唔同沙律菜例如羅馬生菜，蕃茄仔等等再配上芝麻醬。沙律菜非常新鮮爽口唔會話淋晒，芝麻醬嘅份量量都好適中，每$1菜都可以均勻咁撈到芝麻醬，又唔會比芝麻醬掩蓋晒菜嘅味道。飲品都到咗啦，分別叫咗芒果奶昔同埋女皇，點餐嘅時候店員都好貼心文想要多啲cream，少啲cream定係要冇cream，我就揀咗少cream，芒果奶昔飲落去好滑口，唔會話好甜同好大浸化學嘅味道。而女王係玫瑰檸檬乳酪沙冰，佢嘅忌廉上面有一啲玫瑰花碎，所以食落去忌廉嘅時候都會有玫瑰嘅甜味。飲落去沙冰打得好勻，唔會話飲到一嚿嚿冰，酸酸甜甜好易入口，亦都係甜度適中唔會話係死甜嘅味道。主菜分別叫咗黑松露帶子鮮菌燴意
首先先上場嘅係田園沙律，份量其實都唔細係有唔同沙律菜例如羅馬生菜，蕃茄仔等等再配上芝麻醬。沙律菜非常新鮮爽口唔會話淋晒，芝麻醬嘅份量量都好適中，每$1菜都可以均勻咁撈到芝麻醬，又唔會比芝麻醬掩蓋晒菜嘅味道。
飲品都到咗啦，分別叫咗芒果奶昔同埋女皇，點餐嘅時候店員都好貼心文想要多啲cream，少啲cream定係要冇cream，我就揀咗少cream，芒果奶昔飲落去好滑口，唔會話好甜同好大浸化學嘅味道。而女王係玫瑰檸檬乳酪沙冰，佢嘅忌廉上面有一啲玫瑰花碎，所以食落去忌廉嘅時候都會有玫瑰嘅甜味。飲落去沙冰打得好勻，唔會話飲到一嚿嚿冰，酸酸甜甜好易入口，亦都係甜度適中唔會話係死甜嘅味道。
主菜分別叫咗黑松露帶子鮮菌燴意大利飯，同煙三文魚忌廉蕃茄醬扁意粉。兩款食物上枱嘅時候都係熱辣辣冒煙，先講意粉，煙三文魚包到成朵玫瑰花咁樣，已經好適合打卡，而煙三文魚拆開之後份量都唔小，都有好幾大塊，而且食落唔會腥，配上意粉食非常夾。意粉烹調嘅熟度非常好，有煙靭嘅口感，亦好容易掛到汁，食落去酸酸甜甜，醬汁調校得好好，唔係只得蕃茄一味嘅酸，蘑菇亦都唔會煮到偏腍會有少少咬口。而黑松露意大利飯一上枱嘅時候成個黑松露味已經撲面而來。佢嘅帶子係用小貝去煮，唔會煮到過熟，食落去都係嫩口。佢嘅醬汁同飯好完美咁樣融合埋一齊當中亦都有一啲洋蔥咬落去仲有微微脆口嘅感覺，加配埋軟糯嘅意大利飯相得益彰，口內充斥黑松露嘅香味，齒頰留香。
最後就係甜品分別叫咗法國朱古力蛋糕同藍莓芝士蛋糕。兩個蛋糕嘅擺盤都非常之精緻，芝士蛋糕甚至有一個好似叉嘅印喺度。法國朱古力蛋糕非常之濕潤軟熟，有好濃厚嘅朱古力味味道，蛋糕有兩個層次喺最底嘅海綿蛋糕上面會再鋪一層朱古力醬先再鋪上一層嘅海綿蛋糕，好有心思，而朱古力味都係十分之足夠。而芝士蛋糕上面嘅就係藍莓醬，芝士同埋餅底唔會太硬，一齊食嘅味道亦都係甜度適中，芝士亦都係好滑口，再配忌廉嚟食，亦都係令到成個蛋糕有更柔和嘅感覺。
食完晚餐之後仲可以喺出面嘅櫃拎一啲唔同嘅桌上遊戲挽，為晚餐帶來一個結尾。
張貼
