影片
更多
2010-12-06
12 瀏覽
對上果次黎長洲，呢度都仲未賣小食後來係OR見有食評激讚呢度既魚丸，就一直記住有次阿媽入長州都特登叫佢買一盒不過唔知係咪隔左日先煮黎食，覺得都幾一般今日終於可以買一串即場試真尐唔知係咪落雨加平日既關係，得三款蝦餅、魚蛋、四寶丸無左我想食既豆卜既然魚蛋係招牌，當然無走雞雖然阿婆話豬肉丸好正，不過四寶丸有埋我唔鍾意既鯪魚球，所以都無要呢度即叫即炸等緊既時候，有班中(小)學生經過停低望幾望，但隨即講左句「都唔係大魚蛋既，走囉」阿婆聽到即刻講「我地無落粉，人地大粒係落左粉，我地彈牙尐架」哈哈，我當然知啦，所以先幫襯你嘛拎上手當然立即影相欣賞舖頭會用紙巾包住串魚蛋因為可以索走尐油影完相當然即刻放落肚啦嗯~雙重口感外層非常香口又帶點韌內裡好有魚味又軟綿綿唔落豉油都好夠味食完真係好想再食不過要留肚食其他野喇而且價錢都真係幾貴
後來係OR見有食評激讚呢度既魚丸，就一直記住
有次阿媽入長州都特登叫佢買一盒
不過唔知係咪隔左日先煮黎食，覺得都幾一般
今日終於可以買一串即場試真尐
唔知係咪落雨加平日既關係，得三款
蝦餅、魚蛋、四寶丸
無左我想食既豆卜
既然魚蛋係招牌，當然無走雞
雖然阿婆話豬肉丸好正，不過四寶丸有埋我唔鍾意既鯪魚球，所以都無要
呢度即叫即炸
等緊既時候，有班中(小)學生經過停低望幾望，但隨即講左句「都唔係大魚蛋既，走囉」
阿婆聽到即刻講「我地無落粉，人地大粒係落左粉，我地彈牙尐架」
哈哈，我當然知啦，所以先幫襯你嘛
拎上手當然立即影相
欣賞舖頭會用紙巾包住串魚蛋
因為可以索走尐油
影完相當然即刻放落肚啦
嗯~雙重口感
外層非常香口又帶點韌
內裡好有魚味又軟綿綿
唔落豉油都好夠味
食完真係好想再食
不過要留肚食其他野喇
而且價錢都真係幾貴
張貼
