Oddies (已結業)

我而家先第一次去食the mob(遲左勁多添😛) 夜晚八點幾去冇想像中咁多人 雖然都係要排隊😧 見到新既loner都好似幾好味 鳳梨酥雞蛋仔超吸引😍仲有粟米雪糕😍😍芝麻麻糬雞蛋仔外脆內軟 入面仲係濕濕地又煙韌👍🏻最鍾意佢驚人既芝麻量 唔係面頭得幾粒咁簡單 而係一咬開就淨係見到芝麻😍 第一啖牛奶雪糕又滑又濃郁 再黎一啖抹茶雪糕 茶味香濃 有抹茶既苦澀味之餘又不失軟滑既口感😋 唯一就係雪糕溶得好快 明明已經兩個人一齊全力食都敵不過溶既速度 證明店家真係落左好多奶😗 檸檬脆脆我就食唔到檸檬味啦 不過就真係脆既 同軟雪糕造成一個反差😄 都未食到蘋果柚子果凍 附近既雪糕已經有一大陣蘋果清新既味道 但食落口就冇乜太突出既位 仲係杯底食到好多碎冰塊 凍親d牙💩呢杯the mob適合兩個人去食 認真d諗下 究竟點可以一個人食呢 食到雞蛋仔d雪糕就溶到變池塘 食到雪糕又驚雞蛋仔hold唔實向後跌😅