白色雪花之公主 (已結業)

6:00pm 黎到都有一半枱有人，估唔到呢個時間都有咁多人。價錢唔算平，見一陣仲要食飯決定兩個人share一個。好多野都想試，但天氣太熱所以揀左最消暑嘅雪花冰。我地叫左奧利奧雪花$60 - 入面係白色嘅冰有淡淡嘅牛奶味，面有好多oreo粉同有d餅粒，中間就有多一層oreo粉/碎，同埋有煉奶喺入面，上面就有塊oreo同朱古力雪糕。一筆落去果陣真係好有驚喜，因為雪花就好似真嘅雪花咁細。食落去好凍好消暑。本身雪花嘅味其實偏淡，但係同埋oreo同餅粒一齊食就啱啱好，甜度夠，好好味 不過個人覺得朱古力雪糕個味就同雪花唔係好夾總括黎講，值回票價！份量夠大，2個人食都夠！有機會一定會再黎試其他野！