凱薈

營業中

休息中

這日與家人在尖沙咀行街，行到累了就提早食晚飯，選了 The One 17樓的凱薈。酒樓佈置得好有氣派，樓底高又無柱阻擋，仲有落地玻璃可望到個維港美景，零死角海景，光線都幾光猛，好適合舉辦婚宴。酒樓有個午間的陽光婚宴，是傳統晚宴外的另一婚宴選擇。餐前小食：叫了兩份小食，七味椒鹽豆腐，外脆內嫩滑；金沙墨魚仔就好邪惡，咸香的蛋黃包裹住爽口墨魚仔，一啖一隻，正。花雕醉乳鴿：酒味香濃，肉質嫩滑，不錯。黑糖叉燒：半肥瘦叉燒厚身肥美，肉質軟滑，蜜汁甜度剛好，好惹味。招牌葡汁焗釀響螺：上枱一人一隻，餡料豐富，混合葡汁焗，十分惹味。雞湯羽衣甘藍：羽衣甘藍被譽為「超級食物」，營養價值極高，見佢地係採用本地水耕菜，梗係試試啦～高纖蔬菜配上清雞湯，感覺新鮮。拔絲鮮菠蘿咕嚕肉：咕嚕肉皮脆肉嫩，糖醋汁酸甜適中，配搭新鮮菠蘿，鮮甜多汁，大小朋友都喜歡。椰香脆麻花：懷舊甜品，入口鬆化，配上椰絲、芝麻、糖漿，好味。埋單時送上紅豆沙糖水，紅豆煲到起沙，甜度剛好，為今餐做一個完美總結。