影片
更多
2024-02-27
608 瀏覽
Seasons 係一間融合咗意大利、西式、墨西哥、土耳其、印度同尼泊爾美食於一身嘅多國菜餐廳。一嚟先奉上脆脆papadum，充滿胡椒嘅鹹香味再加薄荷醬好食開胃~今餐嚟都最期待都係食 momo ，自從係 Momo moment 食過之後就成日都心思思想再食，難得有令一間良心小店有賣，咁點都要試吓啦！今次無曬豬肉，所以我哋就要咗雞肉餡，一客十隻🥟 皮薄多餡，無 Momo moment 咁多汁但都好有香料味，重點係一定要加埋個微辣嘅蕃茄醬汁就更加好食~另外要大讚嘅係佢哋個garlic naan真係勁香蒜茸味，而且一啲都唔油膩！齋食已經好好食，配咖哩亦好出色。我哋要咗 Chicken Masala🥘加入咗蕃茄嘅咖哩唔會太辣，辛香而唔刺激。比起butter chicken 會無咁奶相對就輕盈少少~Sekuwa 烤肉我哋揀咗豬肉，聞到超出色嘅焦香味同香料調味，食落有肉汁唔乾柴惹味啖啖肉，係濃濃嘅異國風味~食咗咁多濃味嘢，健康寶寶仲加咗個沙律，一嚟就真係比個 size 嚇親🫨估唔到個沙律真係如圖所示咁嘅樣，個plating 都砌得好有 heart！！個泰式沙律包括有生菜，青瓜，薄荷葉，紫洋葱，蕃茄同
今餐嚟都最期待都係食 momo ，自從係 Momo moment 食過之後就成日都心思思想再食，難得有令一間良心小店有賣，咁點都要試吓啦！今次無曬豬肉，所以我哋就要咗雞肉餡，一客十隻🥟 皮薄多餡，無 Momo moment 咁多汁但都好有香料味，重點係一定要加埋個微辣嘅蕃茄醬汁就更加好食~
另外要大讚嘅係佢哋個garlic naan真係勁香蒜茸味，而且一啲都唔油膩！齋食已經好好食，配咖哩亦好出色。我哋要咗 Chicken Masala🥘加入咗蕃茄嘅咖哩唔會太辣，辛香而唔刺激。比起butter chicken 會無咁奶相對就輕盈少少~
Sekuwa 烤肉我哋揀咗豬肉，聞到超出色嘅焦香味同香料調味，食落有肉汁唔乾柴惹味啖啖肉，係濃濃嘅異國風味~
食咗咁多濃味嘢，健康寶寶仲加咗個沙律，一嚟就真係比個 size 嚇親🫨估唔到個沙律真係如圖所示咁嘅樣，個plating 都砌得好有 heart！！個泰式沙律包括有生菜，青瓜，薄荷葉，紫洋葱，蕃茄同彩椒，各種爽口嘅蔬菜再加埋泰式酸辣沙律沙律汁好清新~
温提：呢度啲食物份量都好足，我哋都因為飽到叫唔到 pizza 嚟食~記得都要量力而為唔好貪心叫太多。
張貼
