敏華冰廳 (壹嘉)

營業中

休息中

一早出灣仔開會，行過敏華冰室就入去食個早餐! 有卡位就當然坐卡位啦！不過比服務員指咗去四人位! 噤都照坐。睇完餐牌叫服務員寫單! 佢話用手機自己點啦！重指指枱上嘅二維碼。 咁就叫佢畀兩杯水之後用手機掃掃個二維碼，就開始點餐。原來都幾好玩，可以點餐同選擇唔同嘅配菜，至於飲品就可以選擇少糖，少奶...之類。我地點咗沙茶牛肉公仔麵配火腿多士和五香肉丁米粉配 炒蛋多士。好快趣咁，啲餐就出哂喺枱面，果然有一貫茶餐廳的爽快。沙茶牛肉啲質素都算中上，公仔麵比較淋啱我口味， 如果鍾意食硬啲嘅朋友，就要早啲同佢講聲。 火腿就乾咗啲，而西多士搽牛油都仲可以接受到。五香肉丁米就冇乜特別，炒蛋都算 炒得唔錯。總結都係一個唔錯嘅早餐，快靚正， 杯奶茶和檸茶就真係一般。