老鍋台式火鍋 (京都廣場) (已結業)

📍銅鑼灣 老鍋大學青春回憶最終章(再寫細佬同大學驚俾你哋掟番茄🍅)話說啱啱過去嘅星期六，我同一個超級老朋友飲酒講經講到半夜三更🌃 (好似大學都無試過咁夜🌝) 但第二朝又約咗第二個朋友食飯，咁無理由咁衰仔飛機人㗎✈️ 所以最後瞓得嗰幾個鐘就爬起身打邊爐喇🍲 呢日去嘅老鍋係台式火鍋嚟，天花板掛滿天燈，幾有氣氛🏮 座位幾寬敞舒適💺 我同朋友叫咗個老饕酸菜白肉鍋🥬🐷 鍋底好夠味，唔使點豉油都掂✅ 嗰鍋底跟埋嘅白肉用酒醃過，好好食😋 然後酸菜湯底幾開胃👍🏻🏁 喺我仲好眼瞓意識迷離+火鍋嘅煙霧影響之下，上檯嘅牛肉忽然變到好迷離又夢幻😶‍🌫️ 於是啲雪花如夢似幻咁跌咗落個煲到🤓 當我回過神嘅時候，佢已經喺我個嘴入面融化咗😚 牛味好重，油花分佈好均衡🐮 係值得回頭嘅牛牛🐂