金蒂餐廳

營業中

休息中

因為灣仔lunch time多人的關係，多數都是take away返公司同同事一齊食，突然講開不如搵日出外食lunch, 就講起Cinta的海南雞飯，試過的同事都說好正，大家就即夾定Happy Friday食lunch喇! 食過的同事話一定要訂位同需留雞脾，好! 我就打去訂定8位及reserve定雞脾俾各同事。當日，準時到達，已經留了最入的卡位，比之前夜晚來坐的高檯舒服得多。店員慣常遞上menu, 我們就說已預留脾了！所以Menu還是留給我影相好了。如圖中，雞翼位置 HK$65，無骨雞胸 HK$72，無骨雞脾 HK$72。午餐包油飯，甜品，無限次添飲的茶、咖啡或汽水，免收加一。因為預留很快就上檯，成檯都是海南雞脾，的確幾壯觀，哈哈！先說雞脾，超嫩滑又有雞味，當然是無骨，平均有4大舊左右，可以的話其實可以切細些少。旁邊的蔥跟平時中式的蔥油不同，不是油浸及較香口的。醬汁很不錯，香濃但又不會蓋過雞味，幾好。至於飯就反而無預期中的好，比較黏，不是很粒狀的，味道還可。甜品則是椰汁西米露，普通之作。