Double 8 (裝修中)

作為港島人，放工去天后揾好西都好方便。地點比較少經過，但都近地鐵/巴士站， 同埋招牌霓虹燈好光亮吸睛，包保唔會錯過。 🦞龍蝦湯流心牛角酥 $98牛肉酥熱辣辣，每層都幾酥脆，包住非常香濃嘅龍蝦湯，爆多嘅湯汁傾流而出，兩個人分享都可以。🐽烤西班牙黑毛豬腩肉配蘋果燒汁 $198黑毛豬帶焦香，但唔算油膩，加上擺盤幾靚，同蘋果燒汁幾配合，唔會喧賓奪主。薯蓉口感食到啲薯粒，帶點忌廉香味，再幼滑啲就更加好。整體份量唔多，勝在賣相都精緻。🍗水牛城雞翼$88雞翼烤得幾香口，帶點辣味，不過同傳統嘅水牛城口味有啲唔同。雖然水牛城雞翼相對少啲地方有得食，蜜糖雞翼較多人推介，水準應該更高。🍹Mocktail - Summer $68 / 杯由熱情果同青檸製成，夠曬酸甜開胃。