金壘餐廳

營業中

休息中

星期五得到朋友邀請到其屋企玩狗。首先佢帶我地同佢d狗醫肚。金壘有露天位，方便帶狗去；十二點幾去到，無咩人，露天更係無人揀。我地揀咗有陰嘅地方，仲俾大風機吹住，無咁熱。一行4人加3隻狗，狗狗們都要霸張凳人都未點野食，侍應就送上狗蛋糕俾狗狗們，真犀利！安頓好狗狗，就開始睇menu，好多樣都幾吸引。最後我揀咗香草煎鱸魚配意粉。餐湯有忌廉湯同羅宋湯，我揀咗羅宋湯。好多料，濃味。香草煎鱸魚配意粉賣相一流，好吸引。一條長長的魚柳，旁邊放了一束意粉，還有西蘭花同紅蘿蔔。先講個主角，值得一讚，鱸魚真係鱸魚，絕對唔似有d餐廳用龍利柳充鱸魚。鱸魚煎得香口，唔腥，肉質很挺，魚肉質地很嫩。意粉彈牙，有咬口，份量少少地，啱晒女士們。最後還有餐茶同水果，不錯。服務很好很勤快，服務員有禮有笑容。